1
عه پیری بریژه مه خاره دنون اسبی وا بُه مه موی یون کرسی کلبون
آخر پینده بشون با دو گز کوون اگر ببون عرب و آقوسین خون
2
پبین جا بر بشین مه یاری هوا هوای ترا درُه شوندا کربلا
عه هشکین نداندی خا ده بخدا چاووشی هاکرین خا چشی بلا
3
13
امستی روزیگاری مد بژه لت مه مال و جون دکل ندانده برکت
مه کم شانسی ادر پسونی دله سنگ گرد شی مه دست و په ده بشکت
14
مه دل شوی وری آکس ببی یه گنومی دله یی دغس ببی یه
صحرا زاری بی در بربنده وانده غلومسین سوو بی کس ببی یه
25
ته خونا بدون مد ده بر بکرته آخر مه ده نوانده ته چه کرته
ره ره ری ری ادر مه گوش بخونده مه ژیر پی نسته مد ره بر ببرته
26
مه مر غی تاژه خون ده پر بدی یه مه ده دیونه کرته سر بدی یه
اشکار چی وون وری نه تپه یی سر عه شهبازی ته مد کوتر بدی یه
<...
37
مه بمرته دل ره قارون بخونین حدیثی خسروی خوبون بخونین
اگر پینده خدامون حرف دینین نما زون ده با دل و جون بخونین
38
صحرا ده وگرته گل و پاپیلو انون هوا درن اینن پرستو
انگار مه تن نسته تنگس و تلو لایی دله بوندی پهلو به پهلو
39
<...
49
اگر چه آسمونی یاله سنگه تمومی روژو شو حیرون و دنگه
اگر اشته بشو تا عرشی اعلا انی یکه طلایی چک به لنگه
50
از انجو تا به کرج خلی ره یه مه جلو دار مه کاتا و مه که یه
یکه دل انچو و یکه نوونجه مه دل یکه چمشی په به په یه
51
61
وانده مه رواوو ده پیش بواته مه یال یاله نرون ده میش بواته
بیخود بیخود مه ره بهونه کرته وانده مه کرکوده چه کیش بواته
62
مه چشی نه چکل ده رز بدی یه نه رزی دار ده وی و گز بدی یه
مرتون انی وانن پرست زمستون پایینی قلی مو موجز بدی یه
...
73
درد و بلا مه تن ده چیر ببی یه دستا بندی مه ره سجیر ببی یهُ
مه دل جوو ونه و افسوس و افسوس مرتون وانن فلونی پیر ببی یه
74
آخری پییزه اینن کلنگو انون پَسر درن اینن پرستو
یکه وُزنده و عه با ویمری بنه کندی یکه قدم ره بشو
کلنگو =مرغ مهاجر
85
هم مستنه کویُه ماکا چه کندا هم همسه خلیسه ی طوبا چه کندا
چپکی خیل حون مو خبر بگیرین مه خاره مُی عُرسو زهرا چه کندا
86
مه هستی ده خلی بیحد بدی یه مرتون ده جا قد و نیم قد بدی یه
هر کاری تا اسه ممو هاکرته ته هاکرته ولی مه رد بدی یه
...
97
تندوری لیوکی حمیر ببی یی به جایی پنجی کش فتیر ببی یی
جا مرتون دست گله دانن ولیکن عه اشتون دلی دست ذلیر ببی یی
98
بیرو بیرو عه و تو چو ها کرون بشون توم سری بون یوز پو هاکرون
وگرده سر اگر ته رَه وگرده با هم بنرون گفت وگو هاکرون
99...
109
عیی کرته برونی بری وره مه کلی سر بمونی یه وُگره
دیفاری دیم ژی یه مه سر و بُره گدا یی اقوال ده سلت بشُره
110
چویی وری مه کله لاب ببی یه هم بره وو مه که ده صاب ببی یه
ادر دونیایی ویر مه سر آورته مه سر گوذشت یکه کتاب ببی یه
...
121
امشه پبین بشون صحرا بخُسون آسمونی ستاره ده بچینون
پِه بین به در دینون یون کیی دنو بیخوت ادر جین جی وون مو نکُوون
122
مرتونی ساده دل مو جنگ چه کنده مستونی وری چش ده منگ چه کنده
هم کاتا کویژون ره ینگ چه کنده جاونون ده اشتون مو دل تنگ چه کنده<...
133
چون ساله عه زیات و کم نبوندی سفره داری ولی حاتم نبوندی
ادر عه وزندی آخر مه نظر عالم بوندی ولی آدم نبوندی
134
تو ویست و چار ساعت دره وزنده هرچی وزنده هجه نرسنده
دایم عه وینندی دره چه کنده قسم خونده بخه درو چه دینده
135
145
یون کله ده وتی پش وناسره وُه واخونده وتی تد وناپره
تندور سرو بنر الون ده ایندی واقو دار کو مه نون تندور نسره
146
کسونو بیی اما یال ببی یی پیر آدمونی وری تال ببی یی
خاتنی غم و رنج ده بر بکری تیره میی سیزده یی لال ببی یی
147
157
مه بسوته سینه کلش چه کنده ویمرونی وری نالش چه کنده
مه ده سلی ببرته وو مه چشو هرازی وی وری خونش چه کنده
158
یون کتی وو دکل ملا نبون ده درسته رو هجه که بر نشونده
سیکار ده هوس کنده مر تونی دله نه دکل هشکین مو اعماز نکنده
15...
169
نمسری په بین بشون شامرزا نمسری خلی دانده تماشا
اگر خلی نه ره غلو نکری بهشتی واشونده یون خاره جگا
170
عه وو مه یار پینده ور ور بنرون یادیگاری ره خاره عکس بگیرون
بشون نه ژرژرا با دلی پندی وه واخونن جگا دس دیم بشرون
171
181
بشین گال بدیین خاره خدا ده نه پیغمبر محمد مصطفی ده
خدا یا تد قسم دینون به مولا همین انجو هماردن هم جگاده
182
نه بشینده هم کیی دنو دبو نه بکندی ده یی دله بر بشو
عه تر سندی مه ده بخوره گو گو دور از جونی دونیا ده کوفه ببو
1...
193
هم ده یی جمعیت جا روس ببی یه جوون آدمون ره هوس هوس ببی یه
بلا ره درو وو هم ده یی آدم جا گوش گوشو وانن تیفوس بمی یه
194
یون دونیا یی غرور هم ده نوانده آدمی زاد فقط اشتون ده پانده
پیغمبر صلوات الله یی بواته آدمی زاد سه وو اسبی ندانده
205
گو گولو جاری ده آباد واکرین هم پشرونی روح ده شاد واکرین
یون دونیا زیندونه تا کو بکنین اشتره اشتون ده آزاد واکرین
206
شامز زونی وری یوز دار بکالین اشتون زبون ده خاری وو هادارین
اگر پینده هم زبونو نمره کاتون ره دکلو فارسی نواژین
...
217
مه یار پرست پشری کُرد ببی یه پلوار دبسته خلی لرد ببی یه
دور جی نا سواری فُرد ببی یه ولی وی داری وری طرد ببی یه
218
مه دلبری مه ده هاکرته خسته خداوندا ببُه مه بر دبسته
هر چی واندی مه دل دره ترکنده کِی دره پیندری دونیا دنسته
219<...
229
نزوندی کی یه هم گرماوه وونه نه کا ر هاکرته تن با دل و جونه
خلی آدم کته وو خوش زبونه تمومی آدمون مو مهربونه
230
سنگسری زبون خلی ویمُره هم ده یی زبون آسمونی خوره
کاتونده یاد بدیین و بواژین هر بری یادارا خاره کوُره
231
کوچه...
241
تا یون دونیا وو هستی بر قراره مه دل و جون نخاری ده کناره
نُه پس و خیل و داز و چشمه وو سنگ یون صحرا هم پشری یادیگاره
242
تا شوندی بیه یی هم نازنین ده مه ده وانده په بُه بر بشه مه که
واندی مه جون ده تر قربونی کندی ولی تو مه ده وانده نُه وری ن...
253
عه نزوندی مه دست کاوش چه کنده مه دل ویمر نسته نالش چه کنده
مه موی ده بونگارسن کرته مه یاری مه خرمنی دله آتش چه کنده
254
نه نونی دیم خورش ده ور نکنده کیی دنو کله ده بر نکنده
ادر نُه سفره دار بُیه چه کرته اشتون می و پشر مو سر نکنده
265
مه چش درد دینده گوی دونک بگرته جدیدی وانن ناخونک بگرته
انی هم مستنه واندا نه نه جون جن پری وونی تَد دُرمک بگرته
266
یکه باری ماشین بمه هم برکه بیارت بُه کوی ترا خاره متکه
جا بمه و برشین دو که ره بشو هر چی مه چش واکه تو دنه بی یه
...
277
هم قدیمی سه دری تو به تو یه هم کرسی کل داییما لولکویه
دونیایی دست ادر سال و زمونه مه دل همیشه بُرمه در گلویه
278
هم بره وو امست دکتر ببی یه ستاره بُیه اما خور ببی یه
نُه زحمتی کو شو وو رو بهته نه ره سجیر نکی سجر ببی یه
2...
289
هم که میدونی مچتی هداره نه نشونی یکه یاله چناره
نمسری بیرو ته ده بوینی خدا زونده مه دل ته ره نخاره
290
خا پسو ماشا لله هشار ببی ین انون ورا هزار هزار ببی ین
انون خمس و زکات ده چه ندی یه سُه مالی کو انجو شمار ببی ین
