529

تعبه ی دله بگرته هم جگا ده بگرته یکه تایی طاق نما ده
اشتون سر ده ژنندا میردون دله هماردنه اشتون دستی طلا ده

530

وُره ده ببرین کولک دکرین لاولوده ببرین پینک دکرین
اگر خدایی خا ره ها بواته فقیر ره شَت یکه لیوک دکریه

531

چله ده کورو کرته کی ره شونده یکه تایی نسته کی غم ده خونده
نمشون دکلو که بر نیه یه شاه بمرته ساله مگر نزونده

532

مه سربلین نسته مه خاره پیره وانده طامی دله د دکرین زیره
شوم ده بخورین و دعا هاکرین خا ره ببو نه دونیایی ذخیره

533

مه پوری امستی قرار بدی یه مه دل ده راس راستی نخار بدی یه
یکه کرسی کلبون خلی وابی یه ببر مه تن امست مه کار ببی یه

534

سحر په بین خدا خدا هاکرین اشتون و هم درد ده دوا هاکرین
اگر خدا ده چش بدب ایشا لله هم ایرونی وون ره دعا هاکرین

535

نزونین خا مه ده چه کار بسرته نه کس کاتونی مد ره بر ببرته
مه دل ونه رینده خا ره بواژی یون دونیایی مه دل ده مشت هاکرته

536

خدایا کی بونده با هردو نی نی ته ریی سر بنری گل بچینی
یکه جوری ببو دونیا یی دله هر جه تا چش وا که ته ده بوینی

537

تو کو همه جگا مه یارو غاره هم ره خلی خاره پروردیگاره
خدا وندا هم دل مو کار نداره یون دونیا یی ویر ده هم سر نیاره

538

خداوندا قسم بر صبح و پیشین قسم بر مصطفی وو آلی یاسین
خا کار ده هر جوری یه ره ووننده اگر مولا علی ده گال بده یین

539

گاهی درد و گاهی دوا ببی یی گاهی زمین و گاه هوا ببی یی
ادر سجر سجیر مه سر بمی یه راس راستی عه هوردنگیشا ببی یی

540

یون مرکیین خلی بی رگ وابی یه مرتون دله هچین نه تک وابی یه
هشکین نه ده آدم حساب نکنن یون خاطری مه دل خئنک وا بی یه