469

ته هر چی زهر دکرته مه واخورته ولی خداوندی مه ده هادارته
اشون دو سی انگار کندی بمی یه مه دل دردی دوا ده مر بیارته

470

دونیا دکل هجه تموم نبونده نِه دل بیخوتی هشکین ره نشونده
هم دل و هم زبونده خاره زونده نُه کی یه عه نزوندی مه واشونده

471

امشه کیی چله ده فو نکرین هو چو مه ره شروا شَتو نکرین
نه رشونه جگادره خا هچین تُریکی یی دله حق هو نکرین

472

ویمری دد دینده مه هر دو لتو مه تن ده دمالن ما ما یی وُه وو
مه دل ده چه کری نِمو بر اینده پلنگونی لیر و کوتری یا هو

473

خا جلوی آدمون ده هانرین دنبال سر تین مالون ده دَخو ی نین
اگر بنَکرا انون برسین همین درین جگا دخیل دبندین

474

شُونده رو هجنی خو نداندی یکه کرکی مچی غذا نخوندی
اگر مرتون مه ره ایراد نگیرن مه یاری کیی دم زونه ژنن

475

مرتونی حرف ده هشکین ره نواندی هجه بیخوتی پیچ پیچو نکندی
مه رفقون ده مه دایم بواته ته چکه مه چکه مو خوش نداندی

476

مه چشی اسوره پینده مروری جا سه وابی یه مه چشی هداری
دونیا ده سل وگینده جا ده بنده اگر امشه دگیری و بواری

477

هشکین ره مه خوش مت واژی نکرته یون نوون ره مه بارخونه نبرته
اشتون ره ده بگرته وو بشویی اگر چیزی دارته مه سر وسرته

478

ادر ببرمی یی بُرمه ببی یی اسبی بُه یی ولی سُرمه ببی یی
ادر بر بی ژی یی دونیایی دله راستی راستی هچین قُرمه ببی یی

479

په بین بشون رابند لاولو بشُرون ادر جا هم جین جی وون ره نتُرون
بواژون و بخویه یون ولیکن ادر یون نوونی دل ده نخورون

480

پسون ده سینه کرته کی ره شونده ادر پسونی پول ده کی ره بنده
نه ور نرنده وو خونده وو خونده تو هر چی هاکره آدم نبونده